Jongste beleggings- en ekonomiese nuus

Nog selfs voor die Minister van Finansies, Malusi Gigaba, op 25 Oktober sy ietwat somber Mediumtermyn-begrotingsbeleidsverklaring (MTBBV) ter tafel gelê het, was dit reeds duidelik dat die ekonomie in die sop is. Sy toespraak het dit bloot bevestig en het ongelukkig ’n geleentheid misgeloop om konkrete planne deur die regering ter tafel te lê om die gebreke in die ekonomie aan te pak. Die toespraak was in werklikheid bloot ’n oproep tot aksie en glad nie ’n oortuigende plan nie.

Met die gekonsolideerde begrotingstekort wat nou geprojekteer word om tot 4.3% van bruto binnelandse produk (BBP) in 2017/18 te verhoog teenoor ’n 2017-begrotingsteiken van 3.1%, het die toespraak kredietagentskappe meer besorg gelaat oor die gesondheid van die ekonomie. Trouens, Moody’s het homself nou geskaar by die ander twee hoofkredietgraderingsagentskappe (Fitch en Standard & Poor’s) deur die MTBBV erg te kritiseer as ’n “merkbare krediet-negatiewe afwyking van vorige konsolidasiepogings,” met die kommentaar dat dit die eerste fiskale beleidsdokument oor die afgelope paar jaar is wat nie uitdruklik na fiskale konsolidasie mik nie.

Die taak voor Minister Gigaba was uiteraard nooit maklik nie. Hy het steeds te kampe met ’n ekonomie wat bly momentum verloor en ’n werkloosheidsyfer wat bly vassteek op historiese hoogtepunte. Dit is ’n strikvraag wat nou na verwagting inkomste in die lopende jaar met R50.8 biljoen gaan sny, die grootste afwaartse hersiening sedert die resessie in 2009. Terselfdertyd het Statistieke Suid-Afrika die derde kwartaal se werkloosheidsyfer aangekondig as onveranderd op 27.7% – ’n merkbare agteruitgang van die 27.1% wat oor dieselfde tydperk in 2016 aangeteken is. Nog meer kommerwekkend oor hierdie werksdata is die werkloosheidsyfer onder die jeug, wat ook onveranderd bly op 38.6% vir mense tussen 15 en 34 jaar oud. Werkloosheid in hierdie sektor is die hoogste (32.6%) onder mense wat minder as ’n matriekopleiding het.

Soos algemeen verwag is, was werkloosheid maar net een van die baie uitdagings waaraan die Minister versuim het om toereikend aandag te skenk in sy MTBBV. In plaas daarvan het hy die klem laat val op die 14-puntplan wat hy in Julie vanjaar onthul het om die ekonomie ’n hupstoot te gee – waarvan maar net veronderstel kan word dat verdere besonderhede in Februarie 2018 in die hoofbegrotingsrede bekendgemaak sal word. Tot tyd en wyl dit gebeur, gaan Suid-Afrika voort om groot voornemens te hê om sy wankelende ekonomie te laat herlewe – tot die teleurstelling van internasionale kredietgraderingsagentskappe.

Gegewe die huidige ekonomiese en beleggingsomgewing, is dit van kardinale belang om professionele advies by jou finansiële adviseur in te win om te verseker dat jou beleggings voldoende gediversifiseer is om markskommelings te weerstaan en jou langtermyn holistiese finansiële plan in stand te hou.

Plaaslike ekonomiese vooruitsig

Suid-Afrika se Minister van Finansies, Malusi Gigaba, het gedurende die 2017 Mediumtermyn-begrotingsbeleidsverklaring (MTBBV) minder as bevredigende beleidsriglyne gedemonstreer vir die balansering van finansiële dissipline en die herlewing van ekonomiese aktiwiteit. Vir hierdie doel het markte vinnig begin pryse stel in ’n vriendelike ekonomiese trajektorie met die verwagting van suboptimale uitbreiding oor die volgende drie jaar. Ekonomiese groeiteikens wat te kort skiet terwyl lae vlakke van verbintenis tot fiskale konsolidasie te kenne gegee word, is ’n toestand wat waarskynlik groter worsteling sal meebring om verdere afwaartse kredietafgraderings die hoof te bied. Lae vlakke van toereikende belastinginkomste om tegelykertyd die skuldtekort te verminder en betrokke te raak in fiskale beleid, is noodsaaklik vir ekonomiese groei en ontwikkeling.

Die aaklige werklikheid is dat, in die aanwesigheid van ’n middelinkomstehuishouding wat finansieel onder druk verkeer, die Suid-Afrikaanse regering nou gedwing word om hul te wend tot sondebelasting en belasting op pryssensitiewe produkte (d.i. brandstof), die verkoop van dele van aandelebelange in ondernemings in staatsbesit, en groter lenings by die globale skuldmark. Laasgenoemde standpunt het ongelukkig slegte gevolge soos hoë leningskoste, ’n swakker rand en toenemende inflasieteenwinde (van ’n depresiërende ekonomie).

Nieteenstaande die potensiële swakheid van die rand, het die Suid-Afrikaanse Reserwebank (SARB) hoë vleisprysinflasie, opwaartse druk op globale oliepryse en verwagte verhogings in geadministreerde koste aangegee as gesamentlike katalisators van die huidige inflasionêre vooruitsig. Gegrond op hierdie risiko’s, het die Monetêre Beleidskomitee (MBK) van die SARB gekies om die verslappende siklus gedurende hul vergadering in September 2017 op ys te hou. Die SARB voorspel tans reeksgebonde inflasie oor die eersvolgende 18 maande, met die mark wat die moontlikheid van koersverlaging oor dieselfde tydperk geheel en al verdiskonteer.

Vooruitsig vir die plaaslike mark

Hoewel opbrengste op die kort termyn waarskynlik nie vinniger sal styg as langertermynopbrengste nie in reaksie op ’n potensiële afwaartse kredietgradering, behoort die middeltermyn van die opbrengskromme beter risikoaangepaste opbrengste te lewer weens aantreklike koepons en beperkte opwaartse opbrengste. ’n Marginale ruimte vir die verslapping van die terugkoopkoers en ’n swak ekonomiese vooruitsig skep ’n neiging om ’n tydsduur-neutrale strategie in te neem.

’n Tydsduur-neutrale strategie sal dui op ’n oorwig in die R204 en ’n onderwig in die 2013. Uit ’n gelykbreekpunt bly SA-inflasiebeskermde sekuriteite steeds betreklik duur in vergelyking met nominale skuld en eweknieë van ontluikende markte. Beperkte vraaginflasiewinde van voor is nog ’n rede waarom ons tans huiwerig bly vir ’n oorwig inflasiegekoppelde sekuriteite.

Uit ’n batetoewysingsperspektief het ons by betreklik dalende randgedenomineerde papier gebly, hoofsaaklik weens ’n vriendelike ekonomiese vooruitsig en bedreigings van verdere kredietafgraderings. Ons plaaslike effekteblootstelling oor gebalanseerde fondsstrategieë strek tussen 12% en 5%, en bring die uitwerking van potensiële tydsduur-risiko’s van die normalisering van langtermynopbrengste in rekening.

Waardasies binne die aandelemark dui ook op die afwesigheid van ’n sterk verdienstekatalisator vir die handhawing van die onlangse lopie van die indeks van alle aandele en die Top 40-indeks. Subgeprojekteerde groei van 5% globale BBP-groeikoerse en hoë veelvoude van prysverdienste (loko en vooruit) dui steeds aan dat omsigtigheid aan die dag gelê word op die plaaslike aandelebeurse. ’n Laer risikoaptyt in navolging van swakheid van die geldeenheid en gedempte effekteopbrengste het die mark grootliks gedryf om opwaarts te verras. Volgens ons skatting van intrinsieke waarde verhandel die indeks van alle aandele tans teen ’n premie van 4,6%, met ’n verwagte nominale geannualiseerde 3-jaaropbrengs van sowat 12%.

Opsomming van huissiening

Bron: GI&S Africa, Oktober 2017

Geldeenheidvoorspellings

Bron: GI&S Africa, Oktober 2017

Huissieningsmatriks

Bron: GI&S Africa, Oktober 2017

Strategiese batetoewysing

Bron: GI&S Africa, Oktober 2017

Ons volg ’n strategiese batetoewysing vir vyf risikoprofiele, gegrond op ons vooruitsig vir elke klas. Ons batetoewysingskomitee, wat uit senior beleggingstratege en portefeuljebestuurders bestaan, evalueer gereeld die nodigheid vir strategiese en taktiese aanpassings van voorafbestaande toewysings, gebaseer op ons kort- tot mediumtermynrisiko- en opbrengsverwagtings. Ons deel hier ons jongste siening oor skuiwe in mark- en ekonomiese siklusse wat beide bedreigings en geleenthede vir jou beleggingsportefeulje kan bied. Nie-kwantifiseerbare bedreigings soos onstabiele globale politieke agtergronde bly onvoorspelbaar maar beleggers sal beter daaraan toe wees deur baie hiervan uit te skakel en te fokus op die grondliggende voordele van batetoewysing, wat uiterste gevalle van wisselvalligheid in jou multibateportefeulje grootliks uitskakel.

Vrywaring: Die advies in hierdie blog is slegs vir algemene doeleindes en neem nie individuele omstandighede, doelwitte of finansiële behoeftes in ag nie. Lesers word gevolglik aangemoedig om gepaste advies te soek by ’n gelisensieerde professionele adviseur voordat enige belegging gedoen word, of ’n finansiële produk of diens aanvaar word.